El 66 por cientu de los llectores d’Asturies.com cree que la crisis pue llevar al zarru de RTVE

Los recortes en Grecia llevaron al zarru de la televisión pública pa crear una entidá más pequeña. ¿Pue pasar dalgo asina con RTVE? El 66 por cientu de los llectores d’Asturies.com considera que sí ye posible un escenariu similar nel Estáu.

Pela so parte, un 30 por cientu de los usuarios que participaron nel nuesu ‘Conceyu Abiertu’ considera imposible que los recortes acaben col ente públicu de comunicación creáu nel 1956, y un 4 por cientu nun tien una opinión nidia. Pese a la diferencia importante ente la situación nos dos estaos, la mayor parte de los nuesos usuarios ven a la crisis económica actual como una solombra allargada que podría llegar a terminar cola televisión pública, dalgo hai tiempu impensable nes democracies europees. En Grecia, la idea del Gobiernu ye zarrar la ERT pa crear una entidá nueva, dexando na cai a cientos de trabayadores. Los profesionales de la canal, tres conocer la decisión gubernamental de finar cola programación na medianueche d’esi mesmu día, 11 de xunu, entamaron un zarru na sede d’ERT y emiten informativos al traviés d’Internet.

Otra manera, yá se pue votar nun ‘Conceyu Abiertu’ nuevu. Nesta ocasión queremos conocer si la situación económica permite a los nuesos llectores el disfrutar d’un viaxe mientres estes vacaciones.