El 60 por cientu de los llectores ve en retrocesu les fiestes de prau

|

Les fiestes de prau tán en retrocesu. Asina opina’l 60 por cientu de los usuarios d’Asturies.com que participaron nel nuesu ‘Conceyu Abiertu’, que ve una perda progresiva de les mesmes por cuenta del botellón, los horarios o les denuncies de la SGAE, ente otros.

La entruga concreta plantegada nesta ocasión yera ‘¿Tán les fiestes de prau en retrocesu?’, a lo qu’un 60 por cientu respondió ‘Sí, el botellón y otros asuntos, como los horarios o les denuncies de la SGAE, tán llevándoles al so desaniciu’, por un 40 por cientu que votó por ‘Non, la xente sigue diendo a les folixes y les comisiones han d’adaptase a los requerimientos llegales y a les costumes nueves’. La desapaición de fiestes por imposibilidá de les comisiones de sacales alantre o la disminución de los díes de llargor de les mesmes y del númberu y calidá de les orquestes, son dalgunes de les realidaes que se tán dando nos años últimos.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer la opinión de los nuesos llectores sobre la concesión del Premiu Princesa de Asturias de la Concordia a la Xunión Europea.

Contador Estadistiques