El 25 por cientu de los nuesos llectores nun se pue permitir dir de vacaciones esti branu

La situación económica impide a un 25 por cientu de los nuesos llectores el marchar de vacaciones esti branu. Mientres, un 13 por cientu afirma nel nuesu ‘Conceyu Abiertu’ que tovía ta faciendo cuentes pa ver si pue facer un viaxe.

D’esta forma, hasta un 38 por cientu de los nuesos usuarios podríen quedar en casa mientres estos meses, los tradicionalmente vacacionales, pola crisis. Por contra, pese a la delicaes que tán la mayor parte de les economíes familiares, un 62 por cientu sí tienen previsto entamar un desplazamientu mientres el branu.

Dende esti momentu, yá ye posible votar nun ‘Conceyu Abiertu’ nuevu. Nesta ocasión queremos conocer qué opinen los nuesos llectores sobre si la oposición ha de presentar una moción de censura contra Mariano Rajoy, presidente del Gobiernu estatal, pol escándalu del ‘casu Bárcenas’ y la so negativa a comparecer énte’l Congresu, pese a qu’ésta nun saldría alantre pola mayoría absoluta del Partido Popular.