Ejido 3 - Uviéu 0

L'Uviéu, qu'ayeri dexó l'azul pa vestise de verde esperanza, enterró les poques posibilidaes que-y quedaben de volver a primera división. Contra un equipu como'l Polideportivo Ejido, na llende de la segunda B, los de Quique Marigil nun tiraron nin un balón ente los tres palos, mientres que l'equipu local, metíu hasta'l pescuezu na zona de descensu, marcó tres goles que bien puen vali-yos la salvaciónNel primer tiempu parecía que los carbayones salíen con traza de facer daqué curioso, pero Rubén Reyes falló la única oportunidá que tovieron en tol partíu. Depués d'aquello, los asturianos desapaecieron, y l'Ejido foi comiéndolos. Primero arramplaron col centru'l campu y depués achuquinaron al Uviéu nel so área. Nel minutu 20 Arpón abría la cuenta del Ejido, que nun marchó al descansu col 2-0 porque l'arbitrio anuló-y un gol a Changui. Nun foi mayor problema, porque la segunda parte foi una fiesta na qu'Arturo y Ángel Rodríguez acabaron de firmar la sentencia pa los asturianos, qu'amás encaren unn añu perdifícil. Col conseyu d'alministración pa dimitir y con unes cuentes que nun va haber manera que cuadren, el segundu añu nel infiernu va ser enforma más caliente que'l primeru