Ejido 1 - Uvieu 0

Nel difícil campu del Poli Ejido los carbayones perdieron pola mínima nun partíu triste pola manera en que se perdió. L'Uviéu taba aguantando al rival y hasta faciendo méritos por allegase a la portería contraria cuando, de la qu'acababa la primer parte, un tiru de Arturo en xugada de corner forzó'l penalti bobu d'Amieva, qu'amás marchó pa la caseta por garrar el balón cola mano cuando la pelota taba pa entrar na meta azul. El gol del penalti, que nun perdonó l'Ejido, foi abondo pa da-yos el trunfu a los d'Almería nun partíu que tampoco nun tuvo más chicha. A falta de tres partíos pa rematar el campeonatu, la situación del equipu asturianu ye desesperada. A tres puntos matemáticos de la salvación, l'Uviéu tien falta de sacar los 9 puntos posibles pa salir del pozu.