Eibar 2 - Uviéu 1

Anque los carbayones entamaron sacando ventaya nun de los campos más difíciles de la segunda división gracies a un gol estuppendu de Fran, l'esfarraple defensivu d'un equipu que nun meyora nin con entrenador distintu acabó con otra derrota del conxuntu asturianu. La estrena de Vicente mandando nel equipu de la capital acabó como'l rosario l'aurora en namás cinco minutos de desastre, anque hebo dellos cambeos que-y dieron otru aquello al equipu. Primero Jorge Sánchez quedó solu y remató como-y dio la gana, y depués el porteru carbayón nun tuvo más remediu que tocar el balón cola mano fuera del área. Espulsión y falta nel cantu l'área que l'Eibar convirtió nel 2-1 definitivu