Efrén d’Andrés dibuxa ‘La nueva normalidá’

Una vegada finada la serie ‘Coronavirus’, formada por 16 viñetes, Efrén d’Andrés va da-y continuidá a ésta con ‘La nueva normalidá’. El dibuxante va tratar col so humor habitual l’escenariu nuevu que tamos viviendo tres la llegada del virus y l'estáu d’alarma.

Güei asoleyamos la primer viñeta de la serie que pretende “cuntar les coses que van pasando na nueva normalidá”. Pa ello va siguir emplegando una narración en versu, anque nesti casu los dibuxos van ser grises a un solu color, el colloráu.

La desescalada, l'apertura de terraces, la masificación nes playes, la llegada de turistes, la preocupación de los políticos pola recuperación económica, la esperada vacuna o los eventos culturales son dalgunos de los posibles temes que va tocar D'Andrés col so humor tan carauterísticu en 'La nueva normalidá'. Al igual que ‘Coronovarius’, esta serie va ser una historia zarrada de 16 viñetes, con dos espublizaciones a la selmana, los domingos y los miércoles.