Educación detecta un error material nes llistes d’interinos

L'errú consistió na non convocatoria de 60 candidatos a les places de la especialidá d'informática, polo qu'anunció la celebración d'un nuevu procesu específicu pa elles.

La Conseyería d'Educación y Cultura del Principáu detectó un erru material nes llistes d'aspirantes a interinidá pal cursu 2016-2017, consistente na non convocatoria de 60 candidatos a les places de la especialidá d'informática, polo qu'anunció la celebración d'un nuevu procesu específicu pa elles.

El conseyeru d'Educación y Cultura, Genaro Alonso, esplicó que la publicación de la convocatoria pa les once places de la especialidá d'informática va realizase “en rematando l'axudicación global, el próximu día 29, y antes del 1 de setiembre”.

Educación publicó'l pasáu vienres la convocatoria d'aspirantes a interinidá pal próximu cursu, dientro de la provisión de places de calter temporal. Nesta primer cita ufiertáronse 2.621 puestos pa profesoráu interín. Del total de places, 1.402 son pa maestros y el restu pa los demás cuerpos docentes, principalmente profesores d'Enseñanza Secundaria y Formación Profesional.

La conseyería recuerda que los aspirantes disponen de plazu hasta'l próximu 25 d'agostu pa realizar los sos pidimientos y que l'axudicación realizará'l día 29, de manera que los docentes puedan incorporase a los sos centros de destín el 1 de setiembre.