Educación da a conocer les places que se van ufiertar pa cada especialidá nes oposiciones de Secundaria y FP

Manuel Villar, direutor xeneral de Personal Docente, treslladó a los sindicatos educativos el númberu de places que se van ufiertar pa cada especialidá na convocatoria del procedimientu seleutivo pa docentes en Secundaria y FP previstu pa la segunda quincena de xunu. En total convóquense 639, 180 de promoción interna.

Toes elles son pa Secundaria, onde p’accesu llibre hai disponibles 358. Éstes repártense asina ente toles especialidaes nos que se convoquen places pa les pruebes: Filosofía (13 d’accesu llibre y 9 de promoción interna), Lengua Castellana y Literatura (54/26), Xeografía y Historia (19/6), Matemátiques (55/27), Física y Química (53/26), Bioloxía y Xeoloxía (18/10), Francés (16/12), Inglés (50/28), Educación Física (9/4), Orientación Educativa (19/4), Teunoloxía (15/9), Asesoría y Procesos d’Imaxe Personal (5/2), Hostelería y Turismu (12/7), Organización y Procesos de Mantenimientu de Vehículos (6/3), Organización y Proyeutos de Fabricación Mecánica (9/4), Procesos de Producción Agraria (3/2), y Procesos y Medios de Comunicación (2/1).

Mentes, en Formación Profesional (FP), onde toles places, 101, son d’accesu llibre, distribúinse asina: Cocina y Pastelería (12), Estética (9), Instalaciones Lletrotéuniques (16), Llaboratoriu (4), Mantenimientu de Vehículos (18), Peluquería (5), Procedimientos de Diagnósticu Clínicu y Ortoprotésicu (7), Procedimientos Sanitarios y Asistenciales (12), Sistemes y Aplicaciones Informátiques (7), y Téuniques y Procedimientos d’Imaxe y Soníu (11). El 7 por cientu del total, tanto pa Secundaria como pa FP, resérvense pa persones con discapacidá.

Na semeya, Manuel Villar.