Educación convoca oposiciones docentes en Secundaria y FP

En total son 546 places de 30 especialidaes, de les que 128 son de promoción interna.

La Conseyería d'Educación y Cultura espublizó güei nel Boletín Oficial del Principáu d'Asturies (BOPA) la resolución pola que se convoca'l concurso oposición del personal docente de Secundaria y Formación Profesional (FP), pruebes que van desendolcase en xunu. Trátase de la mayor ufierta pública d'emplegu dende qu'Asturies asumió les competencies educatives nel añu 2000, siendo la más amplia hasta la fecha nestos ciclos educativos la del 2008, con 212 places.

La convocatoria permitirá reducir la tasa de interinidá nestes 30 especialidaes dende'l 25,5 por cientu actual hasta el 11,5 por cientu. “El Gobiernu asturianu contribúi con esta ufierta a ameyorar la calidá del sistema educativu al reducir la tasa de interinidá y dotar a les plantiyes de mayor estabilidá”, recordó'l conseyeru Genaro Alonso, que destacó que se convoquen quince especialidades docentes que nun tuvieren oposiciones n'Asturies dende les tresferencies.

Les persones interesaes tienen venti díes naturales dende mañana pa presentar la so solicitú. Hai que reseñar qu'ésta ye la primer vegada que los criterios de valoración y calificación s'espublicen enantes del aniciu de las pruebes cola fin de da-yos más tresperencia.