Ediciones Saltadera presenta una nueva colección de publicaciones n’asturianu

Ediciones Saltadera presenta una nueva colección de publicaciones n’asturianu, que súmase a la revista asturiana de cultura, Campo de los Patos, que vien publicando dende 2010 (4 númberos) y la poesía completa de K. P. Kavafis (Los 154 poemes, con traducción y estudiu de Xosé Gago), editada a finales de 2013.

Agora acaba de sacar Les manes enceses (Antoloxía 1948-2001), una obra que repasa llibru a llibru tola poesía d’Eugénio de Andrade, el poeta portugués más importante de la segunda mitá del sieglu XX, a l’altura de Fernando Pessoa. Andrade tuvo una especial vinculación con Asturies, llegando a participar nuna Selmana de les Lletres Asturianes. La selección, traducción y prólogu son d’Antón García.

En breve la editorial va publicar un nuevu llibru: Más espeso que l’agua, los relatos que Consuelo Vega Díaz foi perfaciendo a lo llargo d’estos últimos años.