Ecoloxistes presenten una proposición non de llei nel Congresu pa protexer al llobu en tol Estáu

EQUO, WWF, Ecoloxistes n'Aición y Lobo Marley quieren declarar la especie como protexida nel norte de la Península Ibérica y en peligru de desaniciu, nel sur.

El diputáu nel grupu parllamentariu de Podemos y covoceru d'EQUO Juantxo López de Uralde encargóse ayeri de presentar nel Congresu esta proposición non de llei cola fin de que “el llobu dexe de ser el malu del cuentu y pase a ser un recursu que tenga valor. Queremos promover un cambiu conceptual y amás hai yá suficientes esperiencies del llobu como elementu económicamente en positivu para les zones u vive”.

En concreto, estes organizaciones piden "que s'ellabore una estratexa nueva y planes asociaos qu'influyan a escala nacional. Falamos de que l'alministración del Estáu deberá puxar por una mesa territorial pa que la compensación de los daños se faiga de forma consensuada y estableciendo alderique coles persones afeutaes”, apuntó'l vascu. La proposición presentada insta tamién a proporcionar ayudes a las esplotaciones ganaderes qu'adopten midíes preventives contra los ataques de llobos.

Pa lleer la proposición non de llei has de calcar equí.