Ecoloxistes esixen que s'investiguen los "continuos" vertíos al ríu Nora

|

La Coordinadora Ecoloxista d'Asturies esixó a la Viceconseyería de Mediu Ambiente d'Asturies y a la Confederación Hidrográfica del Cantábricu que s'investigue y se tomen midíes pa evitar los "continuos vertíos al ríu Nora”.

Según informaron los ecoloxistes nun comunicáu, nos últimos meses produxéronse polo menos en trés ocasiones muertes de truches nel ríu na población de Santianes de Molenes, onde ta'l Polígonu de Sariegu.
  
A pesar de que'l polígonu trátase d'una infraestructura reciente, "vienen produciéndose numberosos episodios de vertíos del colector del polígonu al ríu Nora colos consiguientes impactos na fauna y flora del cauce, onde se contabilizaron en delles causes muertes significatives de pexes per parte del Seprona", caltienen.
  
Por ello, la coordinadora ecoloxista considera "sorprendente" qu'un modernu polígonu que realizó Soxepsa de 132.000 metros cuadraos que tien depuradora propia, presente tantos episodios de contaminación de les agües. "Más sorprende qu'a día de güei nun se comunicara quién ye'l responsable d'ellos, a pesar de les poques empreses asitiaes nél", apunta.
 

Contador Estadistiques