Echa a andar la quinta edición del Sol Celta

Muncha música, teatru, gastronomía y un Mercáu Celta conformen les actividaes del V Sol Celta. El festival, que empieza esti llunes y fina'l domingu, desendólcase n'Avilés y presenta un cartelu enllenu de bandes de primer nivel.

El Mercáu Celta, que ta instaláu nes places del Sol, Alfonso VI y Carlos Lobos, va inaugurase a les 18 hores y va tar abiertu tolos díes del certame hasta'l domingu, siempre dende les 11 hores. La cai Sol va acoyer a les 19.30 hores 'Teatro en los balcones', pa depués dar pasu a los conciertos de Les Barbares Barbus (20.30 hores) y Cuchu (22 hores).

Nel terrén musical, mañana ta prevista l'actuación de Muñalén Tríu (20 hores, Alfonso VI) y de La Patrulla Dixie (22 hores, Sol), mentes que'l miércoles va ser el turnu de la formación compuesta por Pepín de Muñalén, Odón de Paganéu y Nel de Purnea (Alfonso VI), La Nueve (21 hores, Carlos Lobo) y Xuacu Amieva (22 hores, Sol).

Completa la programación musical del V Sol Celta: Franklin (20 hores, Alfonso VI), Alberto Ablanedo y Pepín de Muñalén (21 hores, Carlos Lobo), ¿Aú? (22 hores, Sol) y Flor del Agua Old Star (23 hores, Sol), el xueves; Juanillous (20.30 hores, Alfonso VI), Buff Trío (21 hores, Carlos Lobo), Tsaringando (22.30 hores, Sol) y Rodrigos Cuevas (23.30 hores, Sol), el vienres; y Dubia (20.30 hores, Alfonso VI), L+R (21 hores, Carlos Lobo), Ajo Band (22.30 hores, Sol) y El Koku la Manzana (23.30 hores, Sol), el sábadu.

Menú celta

Avilesinos y visitantes tamién van poder disfrutar d'un menú celta mientres los díes del festival nel restorán La Alfarería. Ésti compónse de tortu con picadiellu y salsa cabrales, tucu de gochu asturcelta y arroz con lleche, cola posibilidá d'escoyer como bébora ente sidra, vinu de Rioja o cerveza. El preciu ye de 16 euros y inclúi café y clin.