Echa a andar l’especial ‘Eleiciones Europees 2014’ d’Asturies.com

El 25 de mayu van celebrase eleiciones pa escoyer a los 54 europarllamentarios que van representar al Estáu nel continente. Mientres estos díes vamos informar de la cita próxima coles urnes nel especial ‘Eleiciones Europees 2014’.

 

Esti espaciu tamién va ser la seición na que’l domingu 25 vamos informar al minutu de los avances de resultaos y del procesu de contabilización de papeletes, centrándonnos sobremanera no qu’asoceda n’Asturies, col oxetivu de ser, otra vuelta, la so páxina de referencia. Nesta ocasión, l’eleutoráu asturianu podrá votar a 39 candidatures: Iniciativa Feminista, PSOE, PP, Coalición por Europa, Foro de Ciudadanos (FAC), UPyD, PACMA, Esquerra Republicana-La Esqueirda pol Derechu a Decidir-La Izquierda por el Derecho a Decidir, Ciudadanos-Partido de la Ciudadanía, Impulso Social, Agrupación de Electores Recortes Cero, Primavera Europa, Extremadura Unida, Partido Humanista, Vox, Partido de la Libertad Individual, FE de las JONS, PCPE, Partido X, Agrupación de Electores DER (Discapacitados y Enfermedades Raras), PREPAL, IX (La Izquierda Plural), Andecha Astur-Los Pueblos Deciden, Extremeños por Europa, Partido Andalucista, Movimiento Corriente Roja, Escaños en Blanco, Por la República/Por la Ruptura de la Unión Europea, Podemos, Alternativa Republicana, Partido da Terra, Solidaridad y Autogestión Internacionalista, La España en Marcha, Confederación Pirata-European Pirates, Democracia Nacional, Movimiento RED, MSR y Ciudadanos Libres Unidos.

 

Nes eleiciones del 2009 algamaron representación el PP (23 escaños); el PSOE (21);  Coalición por Europa (2); La Izquierda (2), onde taba Izquierda Xunida y el Bloque por Asturies; UPyD (1); y Europa de los Pueblos-Verdes (1), que nun se presenta nesta ocasión como coalición.