Duerna gana en Santander el VI Concurso Escenario Prau

La banda de folk Duerna foi la ganadora del VI Concurso Escenario Prau, que vivió la so final el sábadu nel Teatro Casyc de Santander. Los llangreanos convencieron al xuráu y superaron a los murcianos Lokolé y a los estremeños Barrunto Bellota Band.
 
Nesta edición del concursu participaron una ventena de grupos procedentes de tol Estáu, ente los que taben los asturianos Mezá, qu’algamaron les semifinales, y d’otros países como Colombia o Costa Rica. De toes ellos, namái trés pudieron acceder a una final que consisitíó nuna actuación de 40 minutos de caún de los grupos nel Casyc de la capital cántabra. Tres los conciertos, el xuráu dio la victoria final del Escenariu Prau d'esti añu a los llangreanos Duerna.
 
D’esta forma, la banda folk asturiana, que tien previsto sacar el so primer discu al mercáu nel mes de xunu, gana'l derechu a la edición d’otru enantes del mes d’avientu como premiu del concursu. Amás, los llangreanos reciben 1.500 euros por esi primer puestu.