DRD, nel Trisquel de Xixón

El tríu que formen Dolfu Rodríguez nel vigulín, Rubén Bada nel bouzouki y Diego Pangua a la xiblata va actuar esta nueche nel chigre "Trisquel" de Xixón. Esti grupu, que nació cásique de casualidá al coincidir los sos componentes nuna de les actuaciones del ciclu "folk de cámara" que s'organizaron nel Muséu va presentar los temes del so primer discu "Namai" que s'asoleyó va pocos meses y que produxeron los mesmos miembros de la banda. Como ellos mesmos sorrayaron na presentación del CD, el formatu de DRD ruempe cola estructura clásica de grupu folk, que tien sobre siete miembros que suelen repartise la instrumentación. Pa ellos "ye más fácil entendese ente trés y d'esta manera podemos facer unos directos más flexibles, y variar más los cantares d'un conciertu a otru". Ver verase nel chigre El Trisquel de Xixón (Cai Marqués de San Esteban) a partir de les nueve y media.