Dos visites guiaes y una charra, actividaes complementaries a la esposición 'Voces'

|
Dos visites guiaes y una charra, actividaes complementaries a la esposición 'Voces'

L'amuesa itinerante sobre la historia social y cultural d'Asturies al traviés de la llingua, que tien agora como sede la Casa la Cultura María Xosefa Canellada, amplíase hasta'l 6 de mayu.

‘Voces. La llingua n’Asturies al traviés de los sieglos' llegó a Santolaya'l pasáu 5 de marzu, cola previsión de recoyer esti sábadu, anque finalmente va allargase un mes más, con delles actividaes complementaries previstes. Ente elles tán dos visites guiaes a cargu de Pablo X. Suárez , responsable del Serviciu de Normalización Llingüística 'Comarca de la Sidra', siendo la primera esti xueves a les 19 hores.

La segunda, mentes, va tener llugar el xueves 25, a la mesma hora. Enantes, esti sábadu a les 20.30 hores, l'escritor, filólogu y coordinador de la esposición Xulio Viejo va poner la charra ‘Maria Josefa Canellada. El Bable de Cabranes’, sobre la primer tesis doctoral universitaria dedicada a la llingua asturiana, asoleyada nel 1944, na que va tar acompañáu pola nieta de la filóloga cabranesa, Ana Zamora Canellada.

Contador Estadistiques