Donen al Pueblu d'Asturies 4.529 semeyes d'ente 1976 y 1995

|
Semeya estación d'Ana Muller

La fotógrafa madrilana d'orixe húngaru Ana Muller entregó al muséu imaxes de paisaxes, fiestes, edificios, obres o mines, ente otros.

La mayoría de les semeyes son diapositives de 35 mm y de 6x6 y 6x17 cm. La coleición complétase con 114 negativos de color de 6x6 cm y con 575 negativos de b/p de 35 mm nos qu'hai imáxenes del Día de la Cultura que se celebró en Xixón nel 1976 y, sobre manera, de la redaición, talleres, personal y socios fundadores del diariu 'Asturias', aquella aventura periodística que comenzó nel 1978 y que sólo duró un año, y na que la profesional exerció de reportera gráfica.

Nacida en Madrid nel 1948, Muller ye fía de fotógrafu húngaru Miklós Müller (Orosháza, 1913-Andrín, 2000), establecíu en Madrid nel 1947. El pá marcó la so dedicación a la fotografía a partir de los 13 años, cuando comenzó a trabayar nel so estudiu de la cai Serrano.

Nel 1975 establezse n'Uviéu y trabaya como fotógrafa pa la Fábrica de Loza de San Cloyu y la constructora Diher, y fai retratos qu'espón na galería El Diañu Burlón. Ente'l 1978 y el 1979 trabaya como reportera pa 'Asturias' y nel 1980 torna a Madrid pa facese cargu del estudiu del so pá, yá xubiláu, onde trabaya hasta'l so zarru nel 2015.

Muchas de los sos semeyes d'Asturies d'esti tiempu foron encargos pa espublizaciones, lo que-y permitió fotografiar tola xeografía del país. Nel 1991 publicó'l llibru de fotografías 'Asturias. Otra mirada', con testos de José Antonio Mases, y foi autora de les imáxenes de dellos llibros venceyaos con Asturies:  'Un viaje hacia el norte'  (1987), con testos de Ramón Nieto; 'Roberto Frassinelli, el alemán de Corao, Asturias, 1845-1887' (1987), de María Cruz Morales Saro; 'Arquitectura de indianos en Asturias' (1987), de María Cruz Morales y Moisés Llordén; 'Ingeniería y naturaleza. Una carretera en Asturias' (1996), editáu pola empresa Ferrovial –semeyes del viaductu Pintor Fierros–; y 'Lo moderno de nuevo. Arquitectura en Asturias, 1950-1965' (2014), de Fernando Nanclares y Nieves Ruiz. 

Contador Estadistiques