Doce empreses recibieron l’acreitación Marca Asturiana d'Escelencia n'Igualdá

|
Doce empreses recibieron l’acreitación Marca Asturiana d'Escelencia n'Igualdá

La Direición Xeneral del Institutu Asturianu de la Muyer y Polítiques de Mocedá abrió’l plazu pa solicitar l’acreitación Marca Asturiana d'Escelencia n'Igualdá. Nes dos convocatories anteriores un total de doce empreses foron merecedores d’esti reconocimientu.

En total hebo 30 solicitúes d’entidaes y sociedaes mercantiles, de les que namái cumplieron les condiciones Hijos de Luis Rodríguez (supermercaos Masymas), Cooperativa Farmacéutica Asturiana (COFAS), Mantequerías Arias, Transinsa, Entretodas, El Orrio, Emulsa, Grupo Meana y Dupont, nel primer añu, y Accem, Fraternidad Muprespa y SGS-Tecnos, nel segundu. Llevar la Marca Asturiana d’Escelencia n’Igualdá ye sinónimu d’un compromisu cola igualdá de xéneru y la eliminación de les barreres que frenen el desenvolvimientu llaboral y la promoción de les muyeres nes mesmes condiciones que los homes.

A esta reconocencia pue concurrir cualquier empresa, física o xurídica y de capital públicu y priváu, que tenga la so casa social n'Asturies o cuente con centros de trabayu nel país. Les bases pa la concesión de la marca publicáronse nel Boletín Oficial del Principáu d’Asturies (BOPA) del 30 de xunu y el plazu pa presentar candidatures va tar abiertu hasta'l próximu día 31.

Na semeya, Flor Álvarez Rubio, direutora de la Escuela d'Emprendedores y Empresaries; Almudena Cueto, direutora xeneral del Institutu Asturianu de la Muyer y Polítiques de Mocedá; y Isabel Sierra, xefa del Serviciu de la Muyer.

Contador Estadistiques