Dixebra y Los Berrones van tocar pa El Cristo

La tradicional romería que zarra San Mateo va contar con actividaes mientres tol día.

El parque del Truébano va enllenase de xente dende la mañana del domingu pa disfrutar de la tradicional romería d'El Cristo les Cadenes. Los bolos y los xuegos populares van abrir la xornada a les 11.30 hores, pa siguir con escenes costumistes, una clase d'escanciáu a cargu d'Alberto Rodríguez y Loreto García, o l'actuación del Mago Pelayo.

La tonada va animar la mañana dende les 13.30 hores con Mariluz Cristóbal y Alicia Villanueva, con Belén Arboleya a la gaita, pa, a les 14.30 hores, dexar pasu al Dúo Vibe. A les 15 hores ta programáu'l comienzu de la xinta participativa nel prau.

De tarde va haber teatru infantil con Tampatrán y más música, coles actuaciones d'Anabel Santiago (16.15 hores), Dixebra (18 hores) y Los Berrones (19.15). D'esta forma, los de Tolivia van poder reecontrase col so públicu uvieín depués de nun poder tocar na Xira al Naranco por mor del mal tiempu.