Dixebra y La Bandina toquen en La Foz de Morcín

El conceyu de Morcín tuvo la bona idega de xuntar dos de les coses
que más-yos gusten a los asturianos, la comida y la música. Ello
ye qu'esti fin de selmana esti conceyu del centru d'Asturies celebra un
mercáu dedicáu a una de les más conocíes variedaes
de quesu de les 40 qu'hai n'Asturies,
l'Afuega'l
Pitu. Amás de poder disfrutar colos sabores de les dos frasques
d'Afuega'l Pitu, blancu y roxu, esti festival tamién nos ufierta un
conciertu de dos grupos punteros de la escena musical asturiana, Dixebra y La
Bandina.



El conciertu ye esti domingu día 22 nel mesmu llugar de
La Foz en Morcín. La música
va entamar a a les 20:00 hores con La Bandina, que d'un tiempu p'acá
tán siempre d'actualidá, ya que dempués de sacar discu
l'añu pasáu, tán acabantes d'estrenar el videu musical del
so cantar más conocíu, Na
Caleya. Dempués de l'actuación de La Bandina va ser el turnu

de Dixebra, que tamién sacó
discu
en 2005 y que son un bon complementu pal son de La Bandina, anque
namás queda por saber nesti festival del Afuega'l Pitu que grupu ye'l
blancu y cuál el roxu.