Dispútense esti miércoles siete partíos de Tercera aplazaos pola fuelga del fútbol asturianu

|

Esti miércoles van disputase la mayor parte de los partíos de la xornada 24 de Tercera, aplazada pola fuelga entamada pol fútbol asturianu. En total va correr el balón per siete campos.

La xornada va abrila'l Vetusta n'El Requexón a les 17 hores contra'l Mosconia. El restu de choques programaos pa güei son l'UC Ceares-Universidá d'Uviéu (17.15 hores), Condal-Praviano (17.15 hores), Gijón Industrial-CD Covadonga (17.15 hores), Atlético de Lugones-Andés (19 hores), Caudal-Lenense (19.45 hores) y Astur-Roces (20.30 hores). Los dos partíos restantes van celebrase'l 2 d'abril (Xueves Santu; L'Entregu-Tuilla) y el 5 d'abril (Domingu Santu; Urraca-Llanes).

El fútbol asturianu decidió n’asamblea facer fuelga'l 8 de febreru en protesta pola reducción de subvenciones y el cumplimientu estrictu de la llei qu’obliga a los clubes a dar d’alta a toles persones que tengan una remuneración fixa, ente otros asuntos.

Contador Estadistiques