Discu nuevu pa Manta Ray

El grupu asturianu de post-rock Manta Ray remató estos díes la grabación del so nuevu discu d'estudiu, que va titulase "Torres de electricidad". 10 temes van iguar esti LP que va asoleyar, igual que l'anterior "Estratexa" que salió nel 2003, la casa de discos "Acuarela"

El primer adelantu d'esti nuevu trabayu, "Torres de electicidad" defínelu como "un fondu pasu alantre" pal cuartetu de Xixón, "que da un saltu emocionante tres d'un rock crudu, orgánicu, físicu y estráu de cantos y nel que cualquier posible influyencia esterna quedó dilida énte la personalidá del grupu". Kaki Arkarazo, productor de trabayos anteriores pa los Manta y tamién pa otros artistes como Fermín Muguruza, Anari, Chucho o grupos d'estilos tan estremaos del de Manta Ray como los mesmos "Dixebra" ye'l productor d'esti "Torres de electricidad" que se grabó nos Estudios Gárate cola ayuda pa facer el master de la grabación de Roger Seibel, que yá trabayare pa grupos internacionales como Calexico, Sun Ra, Come, Yo La Tengo, Pussy Galore o Tortoise.

La fecha de llanzamientu del discu y la xira de conciertos de presentación inda nun tan disponibles anque van sabese dientro poco, pero pa conocer meyor el soníu de Manta Ray convidámosvos a sentir la programación musical de la Canal Independiente d'Asturies.com Radio onde suena una esbilla del pop y el rock independientes d'Asturies.