Dimitió Hugo Chávez

Esta mañana, el coronel Hugo Chávez dimitía de la presidencia de Venezuela tres años dempués de ganar con mayoría absoluta (56% de los votos) les elecciones de 1998. Ábrese agora un interín nel que va ocupar el gobiernu'l presidente de la federación empresarial y de cámares de comerciu Pedro Carmona, cosa que nun dexa de tener la so importancia en conociendo que la dimisión de Chávez produzse tres una selmana de fuelga xeneral na que la patronal yera una de les convocantes.Hugo Chávez, que perdiera'l sofitu de dellos de los sectores que formaben el so "Frente Bolivarianu" tuvo tamién qu'enfréntase a la resquiebra dientro del exércitu, una institución que recibió bien de poderes durante estos tres años d'un gobiernu que nunca foi bien vistu nel estranxeru. Anque siempres se punxo l'acentu nes escentricidaes del presidente Chávez, como tener un programa de televisión pa el solu, o na so entente con Fidel Castro, la dimisión de Chávez tien de vese nun contestu más ampliu. Dende que llegare al poder el Frente Bolivarianu, Venezuela yera l'estáu que más a la contra taba de la entrada delALCA, el tratáu comercial que los EEXX tienen munchu interés n'echar a andar n'América del Sur y que xenera bien de rocees ente toda la izquierda sudamericana. La dimisión coincide tamién nel tiempu col torbolín qu'hai entamáu nel mercáu petrolíferu mundial, dalgo que nun dexa d'afectar a Venezuela, que ye'l mayor productor de petróleu d'América del Sur.Más información nos períodicos venezolanos El Universal El Nacional y La Hora

Contador Estadistiques