Diego Solís asoleya'l so primer llibru n'asturianu

Trátase del poemariu 'Y el mundu marcha'.

Diego Solís asoleya'l so esperáu primer llibru en llingua asturiana, editáu por Saltadera. Entamador de los alcuentros 'Fame poétika' y codireutor de la revista de lliteratura moza 'Formientu', esti xixonés del 91 tien escrito muncho n'asturianu, pero hasta'l momentu nun xuntara poemes propios nuna mesa obra.

En 'Y el mundu marcha', a partir del clásicu del cine mudu 'The Crowd' –"una película que desmitificó’l 'suañu americanu'" que llegó a España como 'Y el mundo marcha–, "constrúi un llibru que, ensin arrenunciar al compromisu social, al sentimientu de desarraigu, al amor y al desamor, cuestiona los valores de la so xeneración; aquella que, na so opinión, teniéndolo too pa trunfar, camina pa contra’l fracasu, col éxodu como filu conductor", espliquen dende la editorial. Los intertítulos de la película de King Vidor son les estayes qu’estructuren el llibru, faciendo'l filme parte del poema mesmu.

Presentación en Xixón

Esta tarde, a les 19 hores, va tener llugar la presentación del poemariu en La Casa del Libro. Nel actu va participar, amás de Solís, Marta Mori, escritora y vicepresidenta de l'Academia de la Llingua Asturiana.

Otra manera, dende Saltadera adelanten un poema de los integraos en 'Y el mundu marcha', de títulu 'Nun se m'olvida':