Día Mundial del Mediu Ambiente

El mundu entero celebra el 5 de xunu el "Día del mediu ambiente". La ONU, institución qu'organiza esta fecha, ta acabante d'abrir tamién coincidiendo cola celebración esti completísimu Atles virtual de los océanos, que da información actualizao sobre la pesca, la destrucción d'hábitats o los efectos del cambiu climáticu. N'Asturies, les organizaciones ecoloxistes tamién celebren esti importante día coles sos propies actividaes. Por exemplu, Ecoloxistes n'Acción entrega los premios "Atila" a los mayores enemigos del mediu ambiente, qu'esti añu van pal ministru Jaume Matas y la Comisaria Europea Loyola de Palacio. Anque tamién ye d'agradecer que'l mesmu Gobiernu asturianu se xunte a la celebración, precisamente con dalgo rellacionao cola mar. Ello ye qu'ayeri, la Conseyería de Mediu Ambiente pidió-y a l'Autoridá Portuaria de Xixón que rectifique l'estudiu d'impactu mediuambiental del proyectu d'El Musel porque considera qu'hai repercusiones de la obra que nun tan estudiaes. El plazu pa presentar alegaciones contra'l proyectu del Musel terminó'l llunes con 1335 escritos presentaos nes oficines de l'autoridá portuaria. Na encuesta de Conceyu Abiertu sobre'l Musel, los más de los internautes tan votando non a l'ampliación.