D'HC al cielu

L'escándalu de les cuentes "escures" del BBVA toca a Asturies, anque namás seya de refilón. Ello ye que óscar Fanjul, que dexare la presidencia d'Hidroeléctrica del Cantábrico va xusto güei 11 meses, en plenu procesu de venta de la empresa, ta acabante de dimitir de conseyeru nel BBVA pola so implicación nel casu de les cuentes pa dineru negro del macrobancu español.

Hasta agora, la carrera de Fanjul como home de negocios yera d'asustar. Allegáu al PSOE nos 80, dirixó la Repsol hasta 1996, fecha en que'l cambiu de gobiernu lu obligó a dexar la compañía, convertía nun de los xigantes petroleros mundiales dempués d'años acumulando capitales nun mercáu ensin competencia.

En marchando de la petrolera, Fanjul axuntó más cargos que nunca; el de conseyeru esternu d'Unilever y el de conseyeru nel BBV como apoderáu d'Alicia Koplowitz namás son dos de los munchos que tuvo. Como presidente d'HC, tocó-y bregar col procesu especulativud'OPES, un ríu revueltu nel que'l preciu d'HC nun paró de xubir y del que los accionistes de la compañía d'aquella (La Caixa, Banco Sabadell, Masaveu, Alvargonzález y Carceller) sacaron plusvalíes bien curioses.

Puede vese l'especial d'el periódicu El Mundo sobre esti asuntu

Contador Estadistiques