Detienen en Madrid a Cachero, en busca y captura dende xunetu

L’empresariu Rodolfo Cachero foi deteníu esti xueves en Madrid. El xestor últimu de la Compañía Minera Astur Leonesa, agora en manes d’alministradores concursales, taba en busca y captura dende xunetu, cuando debía d’ingresar en prisión.

La ‘Audiencia Provincial’ condenólu a 30 meses de cárcel nel mes de febrero por ocho delitos de fraude fiscal. Cachero recurrió la sentencia pa nun entrar en prisión, pero al tener que facelo en xunetu decidió fugase, siendo declaráu en busca y captura.

Pese a que dalgunos rumores situábenlu en Canarias, la brigada de la Policía Xudicial d’Uviéu detúvolu esta mañana en Madrid. Tres pasar pel Xulgáu de Guardia, el so destín próximu será la cárcel.