Desarrollu Rural ameyora la situación de 60 siendes n'espacios protexíos

El 22 de xunu dieron aniciu los trabayos d'ameyoramientu de 60 siendes asitiaes n'espacios naturales protexíos. Esti llunes tamién s'anunció la distribución de 5.000 exemplares del planu nuevu del Parque Natural de Penubina-La Mesa, que tien la toponimia iguada.

Les obres desendólquense en 60 siendes homologaes como de pequeño percorríu, gran recorrido percorríu y llocal, nun llargor total de 703 kilómetros, y según esplicó ayeri la conseyera de Desarrollu Rural y Recursos Naturales, María Jesús Álvarez, suponen una inversión de 30.586 euros. El proyeutu d'ameyoramientu, con un plazu d'execución de trés meses, consiste na señalización horizontal con pintura de les marques reglamentaries.

Amás, d'alcuerdo cola Direición Xeneral de Patrimoniu Cultural, la conseyería va llimpiar el Camín de Santiago nel tramu comprendíu ente'l puertu de Payares y la ponte de Los Fierros al so pasu pol conceyu de Ḷḷena. También va proceder a la roza de dalgunos tramos y a la instalación de 42 plaques.

Nomes de llugar tradicionales

Álvarez tamién anunció la distribución de 5.000 exemplares del planu nuevu del Parque Natural Penubina-La Mesa nes oficines del espaciu protexíu de Quirós y Teberga y el centru d'información de Tuiza Riba, asina como nes oficines de turismu de los ayuntamientos de Ḷḷena, Quirós y Teberga. La Fundación Caja Rural de Asturias financió la edición con 2.500 euros.

El planu-guía tien unes dimensiones de 63 por 42 centímetros abiertu y ye'l segundu que s'edita d'esti espaciu. Esta versión nueva ta actualizada y adaptada a les modificaciones que se fixeron cola aprobación, nel 2014, del primer Instrumentu de Xestión Integráu de dellos espacios protexíos de la Montaña Central. Tamién añade rutes nueves homologaes y incorpora la toponimia tradicional, yá oficializada, de Ḷḷena, Quirós y Teberga.

Na semeya, Javier Nievas, responsable de la Fundación Caja Rural de Asturias; Álvarez; y Manuel Calvo, direutor xeneral de Recursos Naturales, col planu nes sos manes.