Desakato asoleya discu nuevu, qu'inclúi dos cantares n'asturianu

'La miel de la flores secas' ye'l nome del trabayu últimu del grupu de Llanera.

Desakato, banda que nos últimos años consiguió colocar el so nome ente les bandes punteres de la escena rock estatal, ta acabante d'asoleyar discu. Anque emplega nos sos cantares el castellanu, l'asturianu nunca falta nos sos álbumes y nos sos conciertos qu'axunten a miles de persones nos escenarios principales de festivales como'l manchegu Viña Rock.

Nesta ocasión los de Llanera inclúin dos temes en llingua asturiana, 'L'estrueldu' y 'Nin dios nin rei'. 'La miel de la flores secas' grabóse n'El lado Izquierdo (Madrid) y n'OVNI Estudio baxo la producción de Manuel Cabezalí y la masterización de Brian Lucey en California, y yá ta disponible pa la so descarga nes principales plataformes dixitales.