Denuncien falta de profesoráu en centros

Güei día 18, l'alministración asturiana tien convocada una mesa sectorial colos sindicatos d'enseñanza pa da-yos a conocer la ufierta pública d'emplegu nel sistema educativu públicu asturianu. Con motivu d'esta mesa, el sindicatu Suatea fizo un comunicáu esixendo que se faiga una política tendente a estabilizar les plantilles d'enseñantes, que tan cada añu más afectaes por dinámiques de contratación temporal, xenerando un marcu de precariedá qu'afecta sobremanera al profesoráu interín. Suatea diz que, dende qu'entamó'l cursu, l'alministración ta faciendo práctica normal el tirar d'interinos con contratu a tiempu parcial pa cubrir les baxes de los profesores titulares. Al paecer del sindicatu, esta práctica, que-y permite a l'alministración un pequeñu aforru económicu, tien consecuencies negatives na calidá del enseñu en cuantes que desapaecern les actividaes dapoyu y otres actividaes paraleles que tienen de repartise ente los demás profesores o bien dexar de facese. Otramiente, el sindicatu d'enseñanza va presentar mañana una campaña en defensa de la Formación Profesional pública n'Asturies, una enseñanza que, al paecer de Suatea, enfréntase a un grave problema de falta de financiación.