"Decenariu" nuevos poemes d'Humberto González

Esti vienres día 24 de febreru, a les 19,30 hores, va presentase'l llibru de poemes "Decenariu"del que ye autor Humberto González. L'actu va ser na Sala de Conferencies del Centru Cultural Antiguu Institutu de Xixón, na cai Xovellanos nº 21, primer pisu.

Amás del autor, van falar nel actu Xosé María Vega, novelista y estudiosu de la cultura asturiana, y Xefe de prensa del Conseyeru de Xusticia del Principáu d'Asturies; Xosé Nel Riesgo, escritor, xeógrafu, y miembru de la Fundación Belenos; y José María González, director del colexu públicu "Elena Sánchez Tamargo" de La Pola, y portavoz del grupu municipal del Partíu Popular nel Ayuntamientu de Llaviana.

"Decenariu" asoleyáu por "Trabe" ye un volume d'obra inédito de poesía qu'enancha la carrera lliteraria d'Humberto González (Mieres 1961) autor d'una bayurosa obra poética y dellos rellatos curtios. Dende va poco p'acá, los llectores d'Asturies.com puen conocer tamién el so trabayu como columnista d'opinión dientro d'esti mesmu mediu.