Debate na Xunta Xeneral sobre la TV autonómica

El director Xeneral del Ente Públicu de Comunicación del Principáu d’Asturies José Ramón Pérez Ornia, comparecía esti martes 21 de febreru énte los miembros de la comisión de la Xunta Xeneral del Principáu pa informar, a petición del grupu parlamentariu popular, sobre les previsiones de funcionamientu, presupuestos y programación de la radiotelevisión asturiana nesti añu 2006. Un grupu de manifestantes de la organización Xunta Pola Defensa de la Llingua Asturiana acudieron esta mañana a les puertes de la sede del llexislativu asturianu pa reivindicar, con motivu de la visita del director del Ente, que la tv autonómica faiga n’asturianu les sos emisiones, momentu qu’espeya la imaxe.