De Lorenzo namái asistió a 15 de los 77 plenos municipales d’esta llexislatura, asegura Asciz

|

Roberto Sánchez Ramos ‘Rivi’, conceyal de l’Asamblea de Ciudadanos por la Izquierda, asegura que Gabino de Lorenzo namái presidió 15 de los 77 plenos de la llexislatura actual. L’alcalde uviedín lleva 27 consecutivos ensin asistir.
 
Tres revisar les asistencies a los Plenos municipales, nos que yá ye vezu l’ausencia de De Lorenzo, Rivi fixo públiques güei unes cifres escandaloses. L’alcalde popular de la ciudá lleva 27 sesiones consecutives ensin asistir y nos casi cuatro años de llexislatura faltó a un total de 62. Según estos datos facilitaos por Asciz, nel añu 2007 De Lorenzo tuvo presente en cuatro de los diez plenos celebraos; nel 2008, en seis de 17; y nel 2009, en cuatro de 23. No que va d’añu y nel pasáu, De Lorenzo nun asistió a nengún de les sesiones (2 y 25, respeutivamente).
 
Los dos partíos na oposición municipal, Asciz y PSOE, lleven denunciando esta actitú de l’alcalde dende hai muncho tiempu, dalgo que paez nun importar a De Lorenzo. El primer edil aseguró n’avientu que l’alcalde nun tien qu’asistir a los plenos municipales por llei, sinón que la so obligación ye la Xunta de Gobiernu, “que ye’l conseyu de ministros d’un conceyu”. “Que yo nun presida un Plenu nun quier dicir que nun participara activamente na so ellaboración”, añadió.

Comentarios

Asina se fai politica ..Xantando del duernu i trabayando pala so  corexa.Asina ta tou fechu i tovia presume de ser asturianu!! Poro non ye elli solu ,los otros non son meyores!!
Claro que,Uvieu non fixo nin la toponimia, ta afogando tou lo asturianu ..Porque elli piensa que ye mas finu trabayando pal castellan .Que inorancia!!!

Contador Estadistiques