David Mateos 'Puru', percusionista de Corquiéu, firíu grave tres incendiase'l so vehículu de rally en Torre

Un incendiu nel so coche de rally mentes prauticaba en Torre provocó quedamures per gran parte del cuerpu a David Mateos ‘Puru’, percusionista del grupu folk Corquiéu. El músicu foi treslladáu n’helicópteru n’estáu grave al HUCA.
 
El Centru de Coordinación d’Emerxencias recibió l’avisu a les 16.53 hores d'ayeri. Na llamada indicóse qu’un coche esplotara y qu’había una persona firía con quemadures. Asina, movilizóse a los efeutivos de Bomberos d’Asturies, con base en Llanes, que se treslladaron col furgón multisocorru, y al Grupu de Rescate, a bordu de l’aeronave melicalizada de la entidá. Una vegada nel llugar, una parte de la dotación de Llanes procedió a estinguir les llames del vehículu matrícula B-0562-LK, que quedó calcináu, y otra parte collaboró nel treslláu del afectáu al helicópteru pa la so evacuación. Puru alcontrábase a unos 800 metros y presentaba quemadures per gran parte del cuerpu. Cuando llegó’l Grupu de Rescate, los servicios sanitarios yá taben atendiéndolu, según informó’l 112-Asturies. Como marca’l protocolu, el Serviciu d’Emerxencies del 112-Asturies alertó del sucesu a la Guardia Civil, Policía Llocal y al Serviciu d’Atención Médica Urxente (SAMU), que movilizó al médicu y l’ambulancia de soporte vital básicu de Ribeseya.