David Mateos ‘Puru’ muerre en Madrid por mor de les quemadures sufríes pol incendiu del so coche

La música asturiana torna a tar de llutu. El percusionista de Corquiéu, David Mateos ‘Puru’, finó esti xueves tres ser treslladáu al madrilanu Hospital de la Paz poles quemadures sufríes al arder el so coche na tarde del miércoles.
 
Pese a que pela mañana taba “estable dientro la gravedá”, les quemadures nel 95 por cientu del so cuerpo llevaba a los médicos a decidir el so treslláu a una unidá especializada nel Hospital de la Paz de Madrid pa una intervención. El músicu, de 32 años d'edá, nun pudo superar la gravedá de les firíes y perdía la vida pela tarde.
 
Puru, xerente tamién del Chigre'l Corquiéu de la villa rioseyana, foi miembru fundador del grupu de folk y percusionista tamién de la banda P’Amusquis. Entamó lo sos estudios de gaita nel añu 1995 con José Ángel Hevia y llueu de percusión, formando parte de los percusionistes de la Banda Gaites Ribeseya. Amás collaboró con grupos como Xéliba, Tuenda, El Llacín, Mala Reputación, N'Arba, Naheba, Aprieta'l culo o Nuberu.