Darréu recuerda esti sábadu a los ‘Mártires de Carbayín’

|

Per tercer añu consecutivu, la organización moza Darréu va celebrar un actu d'homenaxe a los ‘Mártires de Carbayín’ nel cementeriu de Carbayín Altu. Hai 79 años 24 persones foron asesinaes de forma xabaz pola Guardia Civil.

Esta aición foi un episodiu más de la represión que vieno tres el fracasu de la Revolución d’Ochobre del 34 y nella morrieron 24 persones de toles idees, escoyíos poles ‘fuercies d’orde’ ensin distinción dalguna como venganza al asaltu al cuartel de Sama. 79 años depués d’esti episodiu triste de la historia d’Asturies, Darréu entama esti actu al considerar “pernecesariu dignificar la memoria coleutiva´l pueblu asturianu y rendir homenaxe a toles persones que llucharon por otra Asturies, igual que güei lluchamos nós por algamar otra Asturies, otra Asturies onde la mocedá tea futuru, el pueblu asturianu pueda decidir de forma soberana´l destín del nuesu país y la economía tea al serviciu de los y les trabayadores”.

L’homenaxe ta convocáu pa mañana, a les 13 hores, nel cementeriu de Carbayín Altu, cita a la que la organización soberanista convida a tola xuventú asturiano. “Ye necesariu xenerar dinámiques sociales dende la mocedá asturiano que dexen pernidio al bloque oligárquicu español que nun van ser quien pa con nós y que vamos vencer la batalla na llucha por una Asturies digna, democrática daveres y llibre y socialista”, señala Darréu nun comunicáu.

 

Contador Estadistiques