Darréu entama la campaña “100 murales pola oficialidá”

La organización de mocedá Darréu ta acabante de presentar la campaña "100 murales pola oficialidá" cola que pretenden "llamar l'atención sobre la necesidá de que s'aprebe la oficialidá de la llingua asturiana nel prósimu estatutu d'autonomía p'Asturies".

La formación nacionalista propónse facer "a lo menos 100 murales peles cais y carreteres de la xeografia asturiana nos que puean vese llemes vindicativos a favor de la oficialidá". La oxetivu ye qu'esta campaña sirva p'afitar la reivindicación de la oficialidá de la llingua asturiana nel procesu de reforma del Estatutu d'Autonomía d'Asturies, ya que pa Darréu "un nueu estatutu d'autonomía ensin oficialidá seria impensable y situaría Asturies nuna situación de predemocracia yá insostenible".