Daniel de la Cuesta recupera al Padre Galo como músicu

El próximu vienres 29 de xunetu del 2005 el músicu y investigador Daniel García de la Cuesta va presentar el so llibru "Harpa y la so presencia n'Asturies". Ello va ser a les 20 hores en Cadavéu, conceyu de Valdés, na casa natal del escritor asturianu Fernán Coronas, conocíu pol alcuñu de padre Galo. El mesmu autor del llibru comenta que'l fechu de presentar el trabayu nesti llugar ye por facé-y un homenaxe a esti escritor asturianu qu'amas fizo llabor componiendo dellos temes musicales de los sos versos pa lo que s'acompañó del arpa. Nel so día, el grupu folk LLiberdón púnxo-y música a un de los sos poemes, enartiáu dafechu cola casa de nacencia del Padre Galo, entituláu la casina vieya. onde puede oyise l'harpa.

Ensin dulda esta casa onde'l sacerdote y artista dexó escritos los sos versos en delles de les travieses de madera y nel corredor y onde pasó los sos años mas productivos lliteraria y artísticamente, ye'l marcu más afayadizu pa redescubrir la obra musical del Padre Galo.