Dan col cadabre de la muyer desapaecida'l miércoles en Cabrales

A les 12.37 hores d’esti vienres, los efeutivos d’emerxencia que trabayaben na busca de la muyer desapaecida pola rotura d’una canal d’agua n’Arenas daben col so cadabre. El cuerpu de Carmen Lobeto taba baxo los escombros de la so vivienda.

L’operativu de rescate reanudóse esta mañana, a les 8 hores, tres una xornada de busca ensin ésitu. Los escombros, el barru y la folla nel llugar impidieron a los operarios dar con Lobeto, muyer que se vio sorprendida xunto col so fíu pol agua procedente pola rotura d’una canal propiedá de la llétrica E.ON. Él viose arrastráu pola fuercia de la riada, qu’estrozó la vivienda, anque pudo salvar la so vida. Desgraciadamente, la so ma nun corrió la mesma suerte.

El trabayu pa dar Lobetu foi delicáu, yá qu’al mesmu tiempu que se retiraben los escombros, tanto coles máquines como de forma manual, efeutivos de les unidaes canines de Bomberos d’Asturies y de la Guardia Civil tuvieron que rastrear la zona. Nuna d’esas operaciones, los perros de rescate marcaron per trés ocasiones el lugar onde fue llocalizada la muyer.