D’Andrés va falar n’Uesca sobre l’asturianu nun congresu alredor del aragonés y la so lliteratura

‘L’asturianu y l’aragonés na taxonomía llingüística peninsular. Ciencia y ideoloxía’ ye’l tema que va tratar Ramon d’Andrés na VI Trobada que celebra l’Instituto de Estudios Altoaragoneses. Ésta va desarrollase ente’l xueves y el sabadu n’Uesca.
 
La Trobada d’Estudios e Rechiras Arredol d’a Lengua Aragonesa e a suya Literatura ye’l nome d’estes xornaes d’estudiu d’esta llingua romance que nacieron nel añu 1997 y qu’axunten a filólogos y espertos procedentes de Castilla, Euskadi, Catalunya, Rusia y Alemaña, ente otros llugares, amás de, como ye lóxico, d’Aragón. La representación asturiana va correr a cargu de D’Andrés, profesor de la Universidá d’Uviéu que va intervenir mañana a les 17.45 hores.