Díaz Ferrán nun va presentase a les elecciones de la patronal

Les elecciones presidenciales a la CEOE van ser finalmente'l próximu 21 d'avientu, según comunicó l'actual presidente, Gerardo Díaz Ferrán, que tamién desveló que nun se va presentar a la reelección.
     
Díaz Ferrán decidió convocar elecciones el pasáu 4 d'ochobre, tres una xunta colos vicepresidentes de la patronal na que volvió debatise lo apropiao de que siga al mandu de la CEOE dempués de la polémica empresarial que protagonizó nel últimu añu y que tovía nun acabó.
  
Dende qu'anunciare que se diben a convocar elecciones antemanaes, nun se ficieron esperar los supuestos candidatu pa optar a ser la cabeza visible de los empresarios, nes que seríen les primeres elecciones sin socesor únicu na patronal.
  
Ente los munchos nomes que suenen, amás del presidente d'Aetic, Jesús Banegas, y del de la patronal catalana, Joan Rosell, ta'l presidente de la Confederación d'Empresarios d'Andalucía (CEA), Santiago Herrero. Toos ellos vicepresidentes de la CEOE, postúlense como les figures que más consensu puen axuntar ente los empresarios.
  
L'empresariu Juan Rosell algamó'l pasáu llunes una clara victoria pa siguir como presidente de la patronal catalana Fomentu del Trabayu, con casi'l 67% de los votos --1.760 sobre 2.626 emitíos--, anque encamentó esperar a la constitución de la nueva xunta pa que seya ésta la que decida si tien que presentar candidatura a liderar la CEOE.