Día Internacional escontra la Volencia de Xéneru

Representantes d'organizaciones, colectivos y instituciones van participar esta tarde en Xixón nún actu n'alcordanza de les muyeres víctimes de la violencia de xéneru dientro del Día Mundial que-yos dedica dende 1979 por determín de l'Asamblea Xeneral de les Naciones Uníes, qu'apautó'l 25 de payares como día mundial contra la violencia hacia la muyer.

Más de 50 personalidaes, encabezaes pol presidente asturianu Vicente Álvarez Areces van participar nel actu oficial con motivu d'esti día que va consistir nuna concentración a les 21:00 hores na plaza'l Parchís de Xixón. Los representantes políticos y sociales van xubir a lleer los nomes de más de 50 muyeres víctimes de la volencia de xéneru a lo llargo del últimu añu nel estáu.

Anque l'actu va celebrase nuna gran ciudá asturiana, l'Asociación de Muyeres del Mundu Rural, CERES-Asturies emitió esta mañana un comunicáu en que remembra que'l 40% de les muyeres que muerren a manes de la so pareya o ex pareya viven en conceyos de menos 10.000 habitantes, o lo que ye lo mesmo, en zones rurales.