Cursu de gaita pa tonada

Les técniques d'acompañamientu pa la canción asturiana va ser el cursu d'esti fin de selmana en Xixón , nel tovía tais a tiempu d'apuntavos.La clas va ponela Vicente Prado "El Pravianu", gaiteru con abonda esperiencia nel acompañamientu a cantantes, y van tocáse temes como los distintos tipos de canción asturiana qu'hai, floreos d'entamu, de pasu y pa finar, técniques según les tonalidaes...etc, amás tamién habrá práctiques con cantantes. El cursu va durar tol día del sábadu y la mañana del domingu, tien un preciu de 27 € y tan permitíes gaites en toes les tonalidaes, pero con un solo roncón, en casu de tener dos hai que tapar un. Los que queráis apuntavos namás que tenéis que llamar a la Fundación de Cultura de Xixón y pidir información.El vienres va haber una pequeña presentación a les 20:00 nel antiguu institutu de Xixón, consistirá nuna charra sobre la temática que va siguir el cursu.