Cursu d’Asturianu en Madrid

El Centru Asturianu de Madrid impartirá per primer vez na so centenaria historia un cursu de llingua asturiana empobináu non sólo a los socios del centru sinón abiertos tamién a tola población madrilana. Los cursos van desenvolvese en mesmu llar del centru na cai Farmacia 2, metru Tribunal-llinia 1, na quinta planta onde s'atopa la sala d'esposiciones y entamen el próximu martes 15 de xineru. La matrícula d'estos cursos ye gratis dafechu y llevaránse alantre tolos martes y miércoles llaborables de 7 a 9 de la tarde durante unos 4 meses hasta abril. Sedrán en total unes 60 hores lectives y los participantes van recibir un certificáu llueu de superar les correspondientes prebes de conocencia de la llingua asturiana. Estos cursos tienen llugar gracies a una iniciativa personal del profesor D. Xaviel Vilareyo, miembru del Conseyu Superior del Centru Asturianu, iniciativa que tuvo perbona acoyida pol presidente del centru D. Cosme Sordo y que por fin yá se va materializar darréu. La presentaciónpública del proyectu de facer unos primeros Cursos de Llingua tuvo llugar el pasáu 18 d'Ochobre nel nuevu Día de les Lletres Asturianes que'l Centru Asturianu quier cellebrar tolos años nestes mesmes feches. La Conseyería d'Educación Asturiana denegó sovención pa estos cursos pero si mandó trés caxes con material didácticu. Xaviel Vilareyo, profesor tituláu pola Academia de la Llingua Asturiana, será l'encargáu de llevar alantre Les clases, nes que tamién va collaborar el profesor David Rivas.

Tolos interesaos en participar nestos Primeros Cursos de Llingua
Asturiana del Centru Asturianu de Madrid puen inscribise nuna llista
abierta a toos llamando a los teléfonos del Centru 91-5328281 ,
91-5328245 o bien al móbil 620-133368.