Cultura sanciona al Conceyu de Corvera por estrozos nuna panera

La Conseyería de Cultura entamó espediente sancionador contra'l Conceyu de Corvera por incumplir el so deber llegal de conservación del patrimoniu cultural al nun adoptar midíes de seguridá nuna panera de Los Campos que sufriera ataques de persones desconocíes, ello con haber denuncies de plataformes de plataformes ciudadanes informando del riesgu que corría.

El conceyal de Promoción Económica de Corvera Iván Fernández (PSOE) esplicó que los fechos que motivaron la sanción entamaron col gobiernu de la USPC, acusando a esta formación de "falta total de respetu al patrimoniu cultural y ocultación sistemática d'información a otres instituciones". El conceyal
Comentó que nel solar de la panera existía una casa mariñana que se tiró nel 2003 ensin llicencia tres de consulta verbal col equipu de gobienu. Respective a los datos sobre la panera, el conceyal esplicó como en setiembre del 2002 desapaecieron les puertes de la panera, dataes nel 1844, llegando nel 2004 a prohibir cautelarmente toles obres nel solar de la panera. Según el conceyal, l'anterior equipu de gobiernu tramitó cambeos na norma urbanística del conceyu pa que la parcela de la panera fuere edificable ensin dar parte d'ello a los organismos competentes. Fernández llamentó la situación creada y aseguró que l'actual equipu de gobiernu trabaya "pa evitar que se repitan socesos vergoñosos como estos".