Cultura estudia los restos del Paleolíticu d’Avilés

El director xeneral de Promoción Cultural y Política Llingüística, Carlos Madera, fexo ayeri declaraciones sobre l'afayu n'Avilés, de restos que podríen pertenecer a la dómina del Paleolíticu. Madera, que visitó les obres n'avilesina Cai La Cámara valoró los restos como "mui importantes" esplicó que la Connseyería ta pendiente del estudiu del conxuntu arqueolóxicu, qu'incluye venti preseos, pa conocer la so importancia. Espertos del Muséu Arqueolóxicu d'Asturies tán estudiando les pieces, que conseñaríen la presencia humana n'Avilés dende va más de 100.000 años. Los afayos apaecieron nes obres pa construyir un bloque de pisos, y la obra va tar allancada hasta que se determine la importancia arqueolóxica del llugar.