Cuatro firíos graves nos 53 accidentes rexistraos nes carreteres asturianes nos primeros díes de les fiestes

Los accidentes de tráficu nes carreteres asturianes nes primeres fiestes de navidá dexaron como balance cuatro firíos graves, 17 ensin consideranza y nengún muertu nos 53 accidentes contaos dende les 13.00 hores del pasáu vienres, día 21, hasta les 24 hores del martes según informaron fontes de la Guardia Civil a l'Axencia Europa Press.

El vienres hebo nueve accidentes con dos firíos graves y tres ensin importancia, mientres que'l sábadu'l númberu d'accidentes subió a 15, con un balance de seis firíos de poca importancia.

El númberu d'accidentes rexistráu'l domingu foi de siete, con cinco firíos ensin gravedá. El llunes pela so parte, fueron 10 los rexistraos nes carretres asturianes, con dos firíos graves y dos ensin consideranza.

Per último, ayeri martes hubo 12 accidentes nes carreteres asturianes, con sólo un firíu ensin gravedá.