Cuando podíes dir presu por cantar 'Asturias, patria querida'

|

Vázquez Montalbán foi ún de los condergaos nel 62 por cantar l'actual himnu asturianu

L'escritor Manuel Vázquez Montalbán y trés estudiantes catalanes foron condergaos nun Conseyu de Guerra a trés años de cárcel pol fechu de cantar el 'Asturies, patria querida' por solidaridá cola fuelgona minera asturiana del 1962 nuna manifestación, xunto con un grupu d'estudiantes

Pese a ser conocíu por munchos como'l 'himnu los borrachos', fechos como ésti amuesen la rellación que se-y daba nel franquismu cola imaxe de llucha y resistencia qu'Asturies tenía nel estáu y cómo s'identificaba a Asturies con esti cantar tan popular, himnu oficial del país dende'l 1984.

Una versión revolucionaria

Existe tamién una versión creada depués de la revolución asturiana d'ochobre del 1934 que diz asina: Asturias, tierra bravía/ Asturias, de luchadores/ no hay otra como mi Asturias/ para las revoluciones. Tengo que bajar a Oviedo/ empuñando mi fusil/ y morirme disparando/ contra la guardia civil. Contra la guardia civil/ y los cobardes de Asalto/ tengo que bajar a Oviedo/ y morirme disparando. Los obreros, en Asturias,/ demostraron su heroísmo/ venciendo a la clerigalla/ y al feroz capitalismo Los de Lerroux y la CEDA/ son los verdugos de España,/ los que roban las conquistas/ del obrero que trabaja.

Polémica pol anunciu de la ONLAE

Estos díes, el 'Asturies, patria querida' tuvo d'actualidá por una campaña de la 'Llotería de Navidá' que lu utiliza nuna cuña d'audio camudando 'Asturies' por 'Aquí', lo que pa munchos asturianos, como pudo vese peles redes sociales en díes atrás, ye una falta de respetu que nun se fadría con otros himnos. Andecha Astur demandó al Gobiernu que tomara cartes nel asuntu pa iguar esta "ofiensa".

Contador Estadistiques